qa96541的部落格

冊名：悲情車站二二八
作者：高淑媛  胡慧玲  張炎憲  採訪記錄
內容簡介：
對(ui)寬廣ê歷史來看二二八，會當瞭解台灣歷史發展ê脈動；毋過愛掌握巨視ê歷史觀，就需要整理個別ê歷史事件。這本冊以八堵火車頭當作口述歷史調查ê對象，希望逐家會當閣較了解規个歷史佮時代ê脈動。
這本冊寫當初發生佇八堵火車頭國軍對台灣人ê屠殺，國軍不守秩序，予人感覺不平衡，事件爆發了後，民眾圍毆國軍，顛倒造成國軍後來ê報復，無辜ê民眾嘛受害，家屬到這馬嘛感覺足悲傷，是一件予人同情ê悲劇。

讀書心得：
這學期上課定定接觸到關於二二八事件ê歷史，對(ui)一開始看ê天馬茶房，中國醫聽ê演講，猶有上課時看ê台灣史望春風，攏予我對二二八有愈來愈tse ê想法佮看法，原本我只是微微仔了解，猶毋過無想到，二二八事件造成ê傷害遮爾仔大，到這馬閣烙印佇遮濟人ê心中。對(ui)自小漢開始，我就定定無了解，是按怎電視上新聞佮媒體猶有政治人物愛直直刁工造成本省外省ê對立，我認為這是一个足無水準ê作法，毋過到這馬當我接觸到閣較濟ê歷史，我敢若會當開始了解遮ê人所做ê一切，是因為我出世佇這个時代，對頂个年代ê事件已經無遮爾深ê感觸，毋過當事人一定對遮ê代誌忘袂記，所以咱這馬應該做ê是多多了解關於咱台灣ê歷史，對(ui)無仝ê角度來觀看，歷史袂當袂記得，但嘛袂當將冤仇閣延續到下一代，遮是我ê一點仔想法。
這本冊講發生佇八堵火車頭ê悲劇，原本軍人ê不守秩序已經造成民眾ê不滿，佇二二八了後，民眾圍毆軍人，但造成ê後果就是軍人報復，無理由ê屠殺無辜ê民眾，受難者家屬嘛毋敢出來講話，連家己親人的屍體攏找無，遮是遮爾仔恐怖，遮爾予人感到生氣ê事情，就會當看出當時ê國軍是遮爾囂俳，遮的悲劇佇家屬ê心中攏會造成袂當袂記得ê傷痕。
看了這本冊以後，多ê是更加明白歷史，閣有對遮的家屬ê佩服閣有同情，勇敢行到這馬。毋過，就親像最近ê學運同款，事件過去了後，逐家更應該做ê是向前看，而毋是閣造成閣較嚴重的對立，逐家攏同款是台灣人，咱愛做ê是作伙向前，而毋是停留佇原地自相殘殺，歷史定定予人同情佮憤慨，但咱袂當袂記得咱依然愛向前進。