qa96541的部落格

這規个禮拜，看影片介紹台灣ê民主一路行過來是按怎辛苦，予我印象傷深ê是田媽媽佮田醫師ê故事，in自少年時就不顧親人反對，講是綴人走，無想到後來對台灣民主ê遮爾濟，尤其是田媽媽到遮爾大ê年歲，閣佮少年人做伙參加公民活動，實在是予我真佩服！美麗島事件佮白色恐怖咱這學期直直瞭解伊毋知人ê過去，無想到白色恐怖佇進前是遮爾恐怖，任何一舉一動攏愛細膩，若無就愛去予人抓去，佮這馬ê社會實在是無法度比。

 
相片頂面：黑白切

 
uì一个服務貿易協議演變出ê學運，又koh予台灣人民對公民議題閣較關注，尤其是逐家所講ê咱這群大學生，為啥物干咱學生ê代誌？我一開始嘛毋是真瞭解，有人講因為這是傷直接關係到咱家己ê未來，若是咱無愛挺身而出，那按呢誰欲擱徛出來？另外我認為閣有一个原因是，佇這馬ê社會中，咱這群少年人容易佇網路上號召，比以前ê時代閣較快閣較有效率，雖然如此嘛是有其他ê缺點，毋過佇這擺ê學運中，看到咱台灣人閣團結做伙，我閣明白了另外一件代誌，就是原來咱學生嘛會當有遮爾大ê影響力，儘管有一寡所在受到批評，但我認為初衷攏是對的，攏是uì咱對台灣這片家己ê土地ê熱愛，若是咱攏選擇莫講話，認為咱無法度做到啥物，那按呢才會是真正ê問題，聽到真濟序大攏講，無關咱ê代誌為啥物閣愛到立法院鬥鬧熱？我感覺矛盾閣有一寡仔艱苦，我相信以前ê美麗島事件嘛是同款，攏是為著台灣民主奮鬥ê心，但是為啥物年歲大了以後，咱這群少年人做ê就變作毋對了？毋過我無到立法院，只有參加台中ê活動，聽台上ê人演講，至少嘛予家己對這件代誌有閣較濟ê瞭解，莫只是接收單方面ê消息，uì其他面向多多了解，我認為嘛會當閣較明白規件代誌ê對佮錯，咱愛做分ê清對佮錯ê少年人，毋是一方面ê激動。

這四擺ê內容，有看影片ê，有聽同學分享參加學運心得ê，有聽演講ê，影片主要咧講白色恐怖，佮二二八事件同款，咱這个年歲ê囡仔，大概攏無清楚白色恐怖到底有偌恐怖，有ê只是uì細漢時uì課本頂懸看到ê，學來ê，進了台語系了後，我才有更多ê機會來了解台灣本土ê歷史，毋是只是被凊彩帶過，嘛無遮爾深ê感觸，這馬才知影原來白色恐怖閣對受害者家屬造成遮爾大ê傷害，白色恐怖嘛是uì二二八事件延伸出來ê，咱實在無法想像彼有偌恐怖，戒嚴下跤ê日子，有偌難熬。
再來就是學運了，這擺ê學運確實又閣予咱社會大眾關注了這个議題，咱嘛好好瞭解了關於服貿ê代誌，閣一擺激起台灣人民對政治ê關心，我感覺這是一个真大ê進步，先莫講後來造成ê後果佮發展，規个過程中我感覺嘛是有意義ê，予我學到真大ê經驗。

冊名：悲情車站二二八
作者：高淑媛  胡慧玲  張炎憲  採訪記錄

看了天馬茶房，差不多也了解了二二八事件ê背景，he是一個予人驚人ê年代，看起來表面上是台灣光復，誰知真正ê結果不是逐家想ê遐爾仔美好。
去中國醫聽了張炎憲老師ê演講，咱這代ê囡對二二八事件ê感觸本來就沒遐爾深，最歡喜ê就是因為這天放假一天，可能這嘛是一種歷史ê代溝，聽老師演講，我會當了解更多過去ê歷史，毋過煞無相濟ê共鳴，我知影這是一个痛苦ê過去，但是這濟年了後，這一帶ê阮，可能已經無遐爾大ê憤慨。顛倒感覺有時陣這呼當作政治ê武器，提這段過去來講政治，我覺得這是真毋好ê行為，當阮佇咧看歷史時，若是呼相濟政治ê情緒影響，顛倒會看無真相，只是變甲愈激動，所以我感覺，客觀ê讀歷史，由無同款ê角度觀看、觀察，才是正確ê，袂使呼政治、情緒操弄。

 
12/13